Zahanati Roseline,Sinai na Messe zapatiwa fedha za ujenzi na Serikali

Posted on: February 12th, 2021

Zahanati  Sinai,Roseline na Messe zapatiwa fedha za ujenzi na Serikali

Halmashauri ya Wilaya ya Siha hivi karibuni  imepokea jumla ya shilingi milioni 150 kutoka Serikali  ya Jamhuri ya Muungano wa Tanzania kwa ajili ya kuendeleza ,kuboreshana  kukamilisha  miundombinu katika Zahanati za Messe Kata ya Livishi,Sinai Kata ya Ormelili pamoja na Roseline kata ya Ndumeti.

Taarifa hiyo imetolewa na Mkurugenzi Mtendaji wa Halmashauri ya Wilaya ya Siha ndugu Ndaki Mhuli alipokuwa katika ziara fupi ya kukagua miradi ya maendeleo katika Halmashauri ya Siha inayotekelezwa na Serikali ya Tanzania pamoja na miradi inayotekelezwa na Halmashauri ya Siha kwa kutumia  fedha za mapato ya ndani.

Alieleza kuwa katika fedha zilizopokelewa na Halmashauri kila Zahanati itapata jumla ya shilingi milioni 50 ambazo zitasaidia kukamilisha miundombinu katika Zahanati husika kwa lengo la kuwezesha utoaji wa huduma bora kwa jamii na wananchi wa Siha.

Napenda kuishukuru Serikali yetu tukufu ya awamu ya tano kwa kutupatia Halmashauri ya Siha fedha hizi kwa wakati kwani zitasaidia kuboresha miundombinu ya ujenzi katika Zahanati za Messe,Sinai na Roseline alisema Ndaki Mhhuli.

Alieleza pia kuwa Kazi za kukamilisha miundombinu katika Zahanati zilizopata fedha zitaanza hivi karibuni na maandalizi mbalimbali yameshaanza kufanyika.

Ndaki Mhuli Mkurugenzi Mtendaji Halmashauri ya Siha ametoa wito kwa Watumishi wa umma na wale wote watakaopewa dhamana ya kusimamia ukamilishwaji wa ujenzi katika maeneo husika wahakikishe kuwa fedha zinatumika vizuri kwa malengo yaliyopangwa.