Serikali yatoa Milioni 210 Maabara 7 za Sekondari Siha

Posted on: February 13th, 2021

Serikali yatoa Milioni 210 Maabara 7 za Sekondari Siha

Halmashauri ya Wilaya ya Siha mwezi Februari,2021 imepokea jumla ya shilingi milioni 210 kwa ajili ya kukamilisha miundombinu ya Maabara 7 ya shule za sekondari katika Wilaya ya Siha.

Mkurugenzi Mtendaji wa Halmashauri ya Wilaya ya Siha ndugu Ndaki Mhuli amesema kuwa, Halmashauri ya Wilaya ya Siha imepokea fedha shilingi  milioni 210 kutoka Serikali kuu kwa ajili ya kukamilisha miundombinu ya Maabara katika shule za sekondari

Amesema hayo alipokuwa  ukumbi wa mikutano wa Halmashauri ya Siha Februari 12,2021 katika kikao cha kazi na Wakuu wa Idara na Vitengo pamoja na  Watendaji wa Vijiji na Kata zote zenye shule za sekondari zilizopata fedha za Maabara

Napenda kuwajulisha kuwa Serikali yetu ya Tanzania  imetupatia fedha kwa ajili ya kukamilisha miundombinu katika   shule 7 za sekondari katika Halmashauri yetu ambapo kila shule itapata kiasi cha shilingi  milioni 30

Ndugu Ndaki amezitaja shule za sekondari zilipata fedha za kukamilisha  miundimbinu ya Maabara kuwa ni shule ya Sekondari Dahani Kata ya Livishi,Fuka Sekondari Kata ya Kirua,Jitegemee Sekondari Kata ya Songu,Karansi Sekondari Kata ya Karansi

Amezitaja shule nyingine zilizopata fedha ni pamoja na Magadini Sekondari iliyopo kata ya Gararagua,Esinyari Sekondari kata ya Orkolili na Oshara Sekondari Kata ya Ivaeny.

Mkurugenzi Mtendaji ameitisha kikao kazi hicho kwa lengo la kujenga uelewa mpana kwa wasimamizi wa mradi huo hususani Wakuu wa Shule za Sekondari,Watendaji wa Vijiji na Kata pamoja na Maofisa Tarafa.

Katika kikao hicho Mkurugenzi Mtendaji ametoa maagizo  kwa Wakuu wa shule za sekondari zilizopokea fedha kuhakikisha kuwa fedha za Serikali zinatumika vizuri kwa malengo yaliyopangwa na kuzingatia ubora wa kazi na wenye kutoa thamani halisi  ya fedha za Serikali