Mkaguzi wa Ndani

MKAGUZI WA NDANI

• MAANA YA UKAGUZI WA NDANI

Kwa mujibu wa mwongozo wa Ukaguzi wa ndani wa Kimataifa (IPPF) Ukaguzi wa ndani ni shughuli huru, yenye lengo maalum la kutoa uhakiki na ushauri unaolenga kuongeza tija na kuboresha utendaji wa Taasisi kwa kuchambua na kuboresha usimamizi wa vihatarishi, kuimarisha udhibiti wa ndani na utawala bora.

2.0 WAJIBU WA MKAGUZI WA NDANI

Kifungu namba 13 cha LAFM 2009 inaelekeza kuwa Mkaguzi wa Ndani chini ya uangalizi na maelekezo ya Afisa Masuuli, atawajibika kupitia mifumo ya fedha ya Halmashauri ili kuhakikisha maslahi ya Halmashauri yanalindwa.

• Kuhakiki iwapo mapato yote ya Halmashauri yanapokelewa,yanarekodiwa katika kumbukumbu za halmashauri na kupelekwa benki.
• Kuhakikisha malipo yote yanayofanyika yameidhinishwa kwa utaratibu unaokubalika.
• Taratibu za manunuzi zinafuatwa na mali zote zinazonunuliwa zinakaguliwa, zinapokelewa na kurekodiwa katika kumbukumbu za Halmashauri.
• Nyaraka zote muhimu, vitabu, register na taarifa zinazotumika zinahifadhiwa mahali salama.
• Kuhakikisha kunakuwepo kwa (Value for Money) kwenye Miradi ya maendeleo.
• Kuhakikisha iwapo kuna udhibiti wa ndani na utawala bora.
•  

3.0 NJIA ZINAZOTUMIKA KATIKA UKAGUZI

• Mahojiano.
• Kupitia nyaraka mbalimbali.
• Kutembelea maeneo mbalimbali yanayohusiana na utekelezaji wa kila siku wa taasisi.
• Kupitia stoo leja, na kuhakiki mali za kudumu na zisizo kuwa za kudumu